I would like to quote this news that happened May 20, 2010.
Patay ang Sangguniang Kabataan (SK) chairman sang Brgy. Madong, Janiuay, Iloilo sa aksidente sa dalanon kaina sang aga.
Ang biktima amo si Jefferson Jabana, 19 anyos kag residente sang amo nga lugar nga nag-angkon sang fatal nga pilas sa ulo.
Padulong sa banwa sang Banate ang de-pampasahero nga jeep nga gin-akupar sang grupo sang biktima agud mag-excursion sang mabungguan sang bus sa Brgy. Jalaud Norte, Bangga Bante, Zarraga.
Suno sa pila ka mga testigo, nagasundanay ang duha ka salakyan kon sa diin yara sa unahan ang jeep sang nagtuyo nga mag-overtake ang bus apang nasugatan ang isa pa ka salakyan.
Bangod sini nalab-ot sang bus ang nalikod nga bahin sang jeep kag nahulog ang nagakabit nga biktima.
Gilayon naman nga nagsungka ang driver sa kapitan sng Barangay Jalaud Norte - Dennis Dilag. Kag iya ini gintugyan ni Kap sa mga police sng banwa ang suspetsado.
Ang bus ginapanag-iyahan ni Mayor Carlos Cabangal sang banwa sang Banate.
from: BomboRadio.com
0 (mga) komento:
Mag-post ng isang Komento